Qytetarët e Korçës kanë paralajmëruar protestë për të kundërshtuar ardhjen e këngëtarit serb Goran Bregoviq në festën e birrës.
Sipas njoftimit, organizatorët veçse kanë dorëzuar dokumentin në Komisariatin e Policisë që njofton për protestën që planifikohet të mbahet sot nga ora 11:00.
“Rezistencë në rritje kundër pranisë të këngëtarit serbo-kroat Goran Bregoviq në festën e birrës në Korçë, ndërsa bashkia si organizatore refuzon të tërhiqet nga ftesa për këngëtarin. Zhvillimi më i fundit në reaksionin e pakënaqësive është një protestë e lajmëruar nga qytetarët dhe që pritet të zhvillohet nesër”, bëri të ditur një prej qytetarëve organizatorë të protestës.
“Ju ftojmë të gjithë intelektualet, qytetarët nga të gjitha trojet etnike të jenë prezentë për të ndaluar këngëtarin serb, anti-shqiptarin Goran Bregoviq. Protesta është PAQËSORE edhe e HESHTUR. Vendndodhja: katedralja ortodokse në Korçe, ditën e diel, data 08-08-2021, ora 11:00”.
Bashkia e Korçës ka thënë se nuk do të anulojnë ftesën ndaj këngëtarit serb, edhe përkundër reagimeve.
Ndërkohë shumë këngëtarë po bëjnë thirrje për ta anuluar ardhjene Bregoviqit, teksa Capital T e Dafina Zeqiri tashmë kanë anuluar prezencen e tyre në këtë festë.
Ndryshe,një peticion kundër ardhjes së këngëtarit serb Goran Breviq ka nisur të nënshkruhet online.
