Qeveria e Kosovës ka ndarë një milion e 598 mijë euro për 6 mijë e 124 policë për periudhën tremujore, tetor, nëntor, dhjetor, për angazhimin e shtuar në kohën e pandemisë.
Sipas njoftimit të Qeverisë, në mbledhjen e 52-të, është vendosur që këta policë të paguhen nga 100 euro në muaj, apo 300 euro në total për këtë tremujor.
Pagesat për të tre muajt do të bëhen me pagën e muajit dhjetor 2020, ka njoftuar Qeveria.
“Sipas vendimit për zyrtarët aktiv policor do të ndahen mjetet financiare në vlerë prej 1 milion e 598 mijë e 100 euro. Këto mjete shtesë ndahen për 6 mijë e 124 zyrtarë policor, nga 100 euro në muaj për periudhën Tetor, Nëntor dhe Dhjetor. Realizimi i pagesës së këtyre shtesave do të bëhet me pagën e muajit dhjetor 2020, përmes Sistemit të Pagave” thuhet në një njoftim të Qeverisë.
Klikoni KËTU për tu bërë pjesë e kanalit të TV Prizreni në Youtube.
