Dega e LVV-së në Prizren iu është përgjigjur reagimeve të partive tjera politike ndaj “batutave ofenduese” të Kurtit për Prizrenin, sipas tyre, duke ndarë një video ku kryeministri flet rreth Prizrenit.
LVV në Prizren ka thënë se “kur kryeministri Kurti flet për Prizrenin, këtë e bënë me dashuri dhe respekt të thellë për vlerat historike, kulturore dhe shpirtërore që ky qytet i ka dhuruar Kosovës dhe më gjerë”.
“Përpjekjet për keqinterpretimin e fjalëve të tij, nuk kanë sukses, sepse Prizreni e di të vërtetën, sepse Prizreni e do Kryeministrin, ashtu siç Kryeministri e do Prizrenin. Këto vlera nuk mund të tjetërsohen, ato do të përplotësohen me #QeverinëKurti3 me 500k zemra që do rrahin si një më 9 shkurt. Hajde ta dëgjojmë edhe një herë bashkë Kryeministrin çka ka thënë në më të bukurin vend, për më të bukurin vend, për Prizrenin.”, potencon tutje LVV në Facebook, raporton TV Prizreni.