Kuvendi pritet të miratojë një deklaratë në mbështetje të rezolutës së PE-së për Banjskën

Kuvendi i Kosovës do të mbajë sot një seancë të veçantë ku pritet të miratojë një deklaratë në mbështetje të Rezolutës së Parlamentit Evropian, e datës 19 tetor 2023, mbi zhvillimet e fundit në dialogun Serbi-Kosovë, përfshirë situatën në komunat veriore të Kosovës.

Seanca do të nisë në orën 11:00.

Parlamenti Evropian ka miratuar rezolutën me të cilën dënon sulmin në Banjskë të Zveçanit më 24 shtator, ku u vra rreshteri Afrim Bunjaku. Në rezolutë, sulmi cilësohet terrorist dhe do të kërkojë përgjegjësi nga Serbia nëse dëshmohet lidhja e drejtpërdrejtë e Beogradit me këtë ngjarje.

Teksti i rezolutës është përpiluar nga disa propozime të grupeve politike në PE.

Në tekstin e rezolutës përmenden rrethanat të cilat kanë ndikuar në rritjen e tensioneve në veriun e Kosovës, nga largimi i serbëve nga institucionet nëntorin e kaluar, bojkotimi i zgjedhjeve lokale të prillit në veri, e deri te vendosja e barrikadave dhe sulmeve ndaj ushtarëve të KFOR-it dhe gazetarëve në fund të majit dhe sulmit të fundit në Banjkës.

Kuvendi pritet të miratojë një deklaratë në mbështetje të rezolutës së PE-së për Banjskën

Të tjera nga rubrika

Ministri Hoti priti në takim kryetarin e SPSPSK-së, diskutuan për përmirësimin e kushteve të punëtorëve në sektorin privat

Gërvalla vizitoi Qendrën Korrektuese për Femra në Lipjan: Sa më të zbrazëta burgjet, aq më i fortë është shteti dhe aq më e fortë është shoqëria jonë

Në takim me drejtuesit e burgjeve, Gërvalla kërkon disiplinë dhe kontroll më të fortë në institucionet korrektuese

Ministria e Bujqësisë autorizon pagesën e subvencioneve të mbetura bujqësore për vitin 2025