Kryetari i Dragashit priti përfaqësues të shoqatës “Sharri”, ritheksoi përkushtimin për thellimin e bashkëpunimit me sektorin privat

Kryetari i komunës së Dragashit, Bexhet Xheladini, priti sot në takim përfaqësuesit e shoqatës së afaristëve “Sharri”.

Sipas njoftimit të komunës, Xheladini i falënderoi për vizitën dhe urimet, duke e vlerësuar lartë bashkëpunimin e deritashëm me komunitetin afarist të komunës së Dragashit, i cili sipas tij, është një partner i rëndësishëm në zhvillimin ekonomik dhe krijimin e mundësive të reja për qytetarët e kësaj komune.

Tutje, bëhet e ditur se kryetari Xheladini ritheksoi përkushtimin e tij për ta thelluar edhe më tutje bashkëpunumin me sektorin privat, duke mbështetur iniciativat që sjellin zhvillim të qëndrueshëm, rritje të investimeve dhe përmirësim të kushteve për bizneset lokale.