Dogana e Kosovës ka bërë të ditur se në Pikëkalimin Kufitar Vërmicë, zyrtarët doganorë janë çdo ditë në krye të detyrës, duke realizuar kontrolle të vazhdueshme për mbrojtjen e kufirit dhe parandalimin e hyrjeve të paligjshme, kontrabandës dhe shkeljeve të legjislacionit doganor.
Sipas Doganës, puna e përditshme përfshin kontrollin e automjeteve në hyrje dhe dalje nga Republika e Kosovës, si dhe kontrolle fizike të detajuara të automjeteve, kamionëve dhe autobusëve, në përputhje me procedurat dhe vlerësimin e rrezikut.
Dogana thekson se këto kontrolle kanë për qëllim të sigurojnë respektimin e rregullave doganore, parandalimin e kontrabandës dhe mbrojtjen e interesave ekonomike e të sigurisë së Republikës së Kosovës.
