Komuna e Dragashit ka hapur thirrje për aplikim për fermerët e komunës, për subvencionimin e ushqimit për kafshë, shpezë dhe bletë. Kjo mbështetje financiare synon të ndihmojë fermerët në përballimin e vështirësive ekonomike dhe rritjes së çmimeve të produkteve bujqësore.
Sipas njoftimit të Drejtorisë për Bujqësi, Pylltari, Inspeksion, Turizëm dhe Zhvillim Rural, në kuadër të kësaj thirrjeje mund të aplikojnë fermerët që posedojnë lopë qumështore, kafshë të imëta, përkatësisht dele dhe dhi, si dhe ata që merren me kultivimin e pulave, fëllëzave vojse dhe bletarinë.
Qëllimi i kësaj thirrjeje është lehtësimi i gjendjes ekonomike të fermerëve të regjistruar në Komunën e Dragashit, duke ndihmuar në tejkalimin e sfidave të shkaktuara nga kriza ekonomike dhe rritja e kostove të prodhimit.
