Deputeti i Lëvizjes Vetëvendosje, Artan Abrashi thotë se ka vullnet e interes të shpehur nga Vetëvendosje dhe nga Lista Osmani për një koalicion parazgjedhor.
Megjithë shprehjen e vullnetit, duket se nuk ka diçka konkrete në drejtimin e formimit të një koalicioni, por se për këtë çështje po bisedohet.
“Një herë për një herë është vullnet i shprehur prej dy anëve por nuk kam ndonjë informacion që ka diçka konktrete në këtë drejtim. Po besoj që është interes e vullnet i dy palëve por deri ku ka mbërri kjo punë, nuk mundem me thënë asgjë sepse ende është në bisedim e sipër, nuk kemi diçka konkrete me thënë të drejtën”, deklaroi Abrashi për Gazeta Blic.
Pas daljes së Vjosa Osmanit nga LDK ka filluar një iniciativë qytetare e cila po njohet si Lista Osmani.
Lista Osmani që nga fillet e saj u përfol rreth një koalicioni me Lëvizjen Vetëvendosje, ku edhe vet eksponentë nga të dy anët janë treguar të hapur për një koalicion të mundshëm.