Me ftesë të Dioqezës Prizren–Prishtinë, kryetari i Aleancës për Ardhmërinë e Kosovës, Ramush Haradinaj, mori pjesë në akademinë solemne kushtuar Imzot Nikë Prelës dhe Imzot Mark Sopit, si dhe në përurimin e librit “7 ditë në tryezë me Imzot Mark Sopin”.
Në një postim në Facebook, Haradinaj vlerësoi lartë jetën, veprën dhe trashëgiminë e tyre, që sipas tij, mbeten udhërrëfyes i përkushtimit ndaj atdheut.
“Imzot Nikë Prela dhe Imzot Mark Sopi do të kujtohen gjithmonë sepse, përpos misionit fisnik fetar, frymëzuan atdhedashurinë dhe kontribuuan në ruajtjen e identitetit kombëtar duke mbajtur gjallë rezistencën ndaj armikut ndër shekuj. Sot, me ftesë të Dioqezës Prizren–Prishtinë, në Akademinë Solemne kushtuar Imzot Nikë Prelës dhe Imzot Mark Sopit, si dhe në përurimin e librit ‘7 ditë në tryezë me Imzot Mark Sopin’, vlerësuam jetën, veprën dhe trashëgiminë e tyre të pavdekshme, që mbeten udhërrëfyes i përkushtimit ndaj atdheut” – shkruan Haradinaj.