Policia e Kosovës ka njoftuar se më 10.12.2025 ka arrestuar një person i cili dyshohet ta ketë penguar e kanosur një zyrtar policor deri sa i njëjti ishte duke i shqiptuar një tiketë për kundërvajtje vëllait të të dyshuarit.
Ngjarja ka ndodhur në rrugën “Enver Hadri” në Prizren, ndërsa ndaj të dyshuarit është iniciuar vepra penale “Kanosje, pengim i personit zyrtar gjatë kryerjes së detyrës zyrtare”.
Policia sqaron se i dyshuari është arrestuar dhe me vendim të prokurorit u lirua në procedurë të rregullt.
“Është arrestuar i dyshuari mashkull kosovar, pasi që i njëjti ka penguar dhe kanosur viktimën mashkull kosovar-zyrtar policor, i cili ishte duke i shqiptuar një tiketë për kundërvajtje vëllait të të dyshuarit. I dyshuari është arrestuar dhe me vendim të prokurorit lirohet në procedurë të rregullt.” – thuhet në njoftimin e Policisë së Kosovës, më 11.12.2025.