Me vendim të Senatit të Universitetit “Ukshin Hoti” në Prizren, Dr. Ditar Kabashi është zgjedhur profesor (Prof. Ass. Dr.) i së Drejtës Kushtetuese në Fakultetin Juridik të këtij universiteti.
Lajmin e ka bërë të ditur vetë Kabashi, i cili ka njoftuar se ka pranuar vendimin e Senatit të Universitetit për zgjedhjen e tij në këtë pozitë akademike.
Kabashi ka përfunduar studimet themelore dhe master në Fakultetin Juridik të Universitetit të Prishtinës, ndërsa studimet e doktoratës në Universitetin Gazi në Ankara, në fushën e së Drejtës Kushtetuese.
