Njëri nga personat e vrarë nga grupi që po akuzohet për vepra terroriste në Banjskë të Zveçanit është Stefan Nedelkoviq, 31-vjeçar.
Kështu kanë raportuar mediat serbe. Sipas këtyre informacioneve, Nedelkoviq është banor lokal nga Zveçani, teksa kanë publikuar edhe fotografi të tij.
- Reklama -
Deri më tani janë konfirmuar katër të vrarë nga grupi i akuzuar për terrorizëm nga Prokuroria Speciale e Kosovës.
Personi i katërt i vrarë u konfirmua sot nga prokurori i rastit, Naim Abazi.
Sipas tij, trupi i pa jetë është gjetur përgjatë kontrollit të pjesës ku ka ndodhur rasti.
Prokurori gjatë ditës ka bërë të ditur se janë duke u kontrolluar edhe vetura të tjera nën dyshimin për posedim të armëve që lidhen me grupin kriminal.
- Reklama -