Kryetari i Suharekës, Bali Muharremaj, ka folur për shpërndarjen dhe menaxhimin e financave.
Ai ka thënë se buxheti i komunës ka kaluar dhe është rreth 20 milionë euro.
“Buxheti ka kaluar në fund të muajti shtator me shumicën e votave dhe kështu që e kemi një buxhet ma të rritur për vitin e ardhshëm, përafërsisht është dikun 20 milionë euro”, ka thënë ai.
Ai ka thënë se këtë vit ka bërë disa kërkesa grupi i grave dhe të gjitha janë aprovuar.
“Këtë vit grupi i grave ka bërë disa kërkesa, të gjitha janë aprovuar”, ka thënë ai.
Muharremaj ka thënë se buxheti i vitit të ardhshëm është shumë më i mirë për barazinë gjinore.
“Vitin e ardhshëm pritet një buxhet shumë më i mirë për gjininë femërore”, ka shtuar ai më tej.
Tutje, i pari i Suharekës ka thënë se subvencionet janë rritur për 300% që prekin sfera të ndryshme për të rinj.
“Është një risi, ne kemi rritur subvencionet 300%, do të thotë do të ketë edhe për të rinj edhe për sport edhe për kulturë”, ka shtuar më tej ai.
Ai ka thënë se qëllimi i tij ka qenë ndarja e sa më shumë mjeteve për këtë kategori.
“Qëllimi kryesor është që të ndahen mjete sa më shumë për gjeneratët e reja, të fillojnë me biznese të reja”, ka shtuar ai më tej. / Gazeta10
