Policia e Kosovës ka ndaluar një person të dyshuar për “mbajtje në pronësi, kontroll ose posedim të kundërligjshëm të armës apo municionit” në fshatin Gorozhup.
Sipas njoftimit zyrtar, më 16 mars 2025, njësiti patrullues kufitar – SPMK Vërmicë ka ndaluar një veturë të tipit BMW X3 me targa (AB). Gjatë kontrollit të automjetit dhe dy personave brenda tij, janë gjetur dhe konfiskuar: Një armë kallashnikov model K9 me një karikator të zbrazët, një pistoletë Sig Sauer me tre karikatorë të zbrazët, këllëfi i pistoletës me 9 fishekë të kalibrit 9 mm, një thikë gjuetie dhe një palë dylbi optike Patrol Rifle Optik .
Pas intervistimit në stacionin policor, njëri nga të dyshuarit është ndaluar me vendim të prokurorit, ndërsa tjetri është liruar në procedurë të rregullt. Të gjitha armët dhe pajisjet janë konfiskuar nga autoritetet.
Policia e Kosovës vazhdon angazhimin për të parandaluar dhe luftuar kriminalitetin, veçanërisht në rastet e armëmbajtjes pa leje.