Policia e Bad Hall ka arrestuar një kosovar të moshës 25-vjeçare. Ai dyshohet të këtë vjedhur biçikleta elektrike dhe malore nëpër bodrumet e shtëpive në disa qytete në Austrinë e Epërme.Gjithsej 24 vjedhje dyshohet se janë kryer nga një 25-vjeçar nga Kosova në bodrumet e shtëpive në Wartberg, Leonding, Rohr, Sierning dhe në Bad Hall, i cili u arrestuar nga policia e Bad Haller më 30 tetor, shkruan nachrichten.at.I dyshuari thuhet se ka vjedhur kryesisht biçikleta elektronike dhe biçikleta malore me vlerë dhjetëra-mijëra euro dhe i ka shitur ato në tregje të shitjes (Flohmarkt) në Linz.
Përveç kësaj, ai thuhet të ketë shkaktuar dëme të tjera pronësore në vlerë prej disa qindra eurosh gjatë kryerjes së vjedhjeve.I dyshuari është dërguar tashmë në burg në Garsten. Fillimisht ai ka refuzuar të japë detaje për veprat.Pas marrjes së dosjeve nga avokati i tij, megjithatë, ai rrëfeu tërësisht.