Kandidati për deputet nga radhët e PDK-së, Faton Abdullahu, ka reaguar për sulmin fizik ndaj gazetarit hulumtues dhe autorit të emisionit Indoks, Visar Duriqit.
Abdullahu ka thënë se Duriqi ishte viktimë e dhunës që nuk e përballon fjalën.
Tutje ai ka shtuar se e vjetër është pamundësia jonë për ta mbrojtur fjalën e lirë dhe për ta ndëshkuar fjalën e papërgjegjshme.
“Me gazetarin Visar Duriqi kam qenë disa herë në debate. Ai di të jetë brutalisht i drejtëpërdrejt por asnjëherë i dhunshëm. Ai dje ishte viktimë e dhunës që nuk e përballon fjalën. Asgjë e re. E vjetër është pamundësia jonë për ta mbrojtur fjalën e lirë dhe për ta ndëshkuar fjalën e papërgjegjshme. Brukseli do të na ndëshkoj për këtë akt dhune me fjalë të hidhura por edhe për të vazhduar tutje ndëshkimin ndaj nesh me mosdhënje vizash”, ka shkruar Abdullahu.
Me gazetarin Visar Duriqi kam qenë disa herë në debate. Ai di të jetë brutalisht i drejtëpërdrejt por asnjëherë i…
Posted by Faton Abdullahu on E enjte, 25 Shkurt 2021