Liberalizimi i vizave vazhdon të jetë temë, tashmë kur kanë mbetur më pak se tre muaj deri në 1 janar, atëherë kur edhe më në fund nuk do të kemi nevojë t’i “përshëndesim” ambasadat për të marrë rrugë drejt vendeve të zonës Schengen.
Megjithatë, sërish janë një sërë kushtesh për t’u plotësuar, gjithnjë sipas fushatës informuese që ka filluar tashmë nga zyra e kryeministrit.
Pikërisht nga kjo zyre kanë shpalosur detaje se si duhet vepruar.
Sipas përfaqësuesit të kësaj zyre në sheshin e kryeqytetit, aty ku edhe kishte filluar fushata përkatëse, duhet patur me patjetër siguri qëndrimi në një vend të zonës evropiane.
Gjithashtu, për një vizitë turistike duhet të keni rezervim hoteli dhe dëshmi të biletës së kthimit.
Veç kësaj, ZKM ka bërë të ditur se do të organizohet edhe një kuiz me pesë pyetje, ndërsa dhjetë fitues do të shkojnë me financa të qeverisë në një udhëtim në Vjenë.