Kryetari i Komunës së Prizrenit, Shaqir Totaj në një postim në profilin e tij zyrtar në facebook ka njoftuar se është në prag të finalizimit të procesit të binjakëzimit mes qytetit të Prizrenit dhe qytetit turistik në Turqi, Komuna e Bodrumit. Ai gjatë një vizite ka njoftuar se ka takuar kryetarin e qytetit turk, Ahmet Aras me ç’rast u diskutua për zhvillimin e aktiviteteve turistike, ku u përmend rëndësia e urës së miqësisë që do të ndërtohet mes dy qyteteve turistike.
Postimi i plotë:
Kryetari Shaqir Totaj, në prag të finalizimit të procesit të binjakëzimit mes Prizrenit dhe Bodrumit, vizitoi kryetarin e qytetit turk, Ahmet Aras.
Me këtë rast u diskutua për zhvillimin e aktiviteteve turistike, ku u përmend rëndësia e urës së miqësisë që do të ndërtohet mes dy qyteteve turistike.
Gjithashtu, u fol për aktivitetet e kulturës, artit dhe turizmit që do të realizohen reciprokisht mes dy qyteteve.