Nënkryetarja e PDK-së, Vlora Çitaku, e ka komentuar takimin e presidentes Vjosa Osmani dhe kryeministrit Albin Kurti, me sekretarin e Departamentit Amerikan të Shtetit, Anthony Blinken.

Ajo shpreson se përfaqësuesit e shtetit të Kosovës në ShBA, t’i kenë kuptuar drejtë mesazhet e sekretarit Blinken, përcjell Klankosova.tv.

”Pa përfshirjen e drejtpërdrejtë të SHBA-ve nuk është përmbyllur suksesshëm asnjë projekt gjeostrategjik në kontinentin Evropian. Ne në Kosovë e dimë këtë më së miri! Shpresoj që udhëheqësit e Institucioneve të Kosovës t’i kenë kuptuar drejtë mesazhet e sekretarit të Shtetit, Blinken. Mirëmbajtja e status quo-së në dialogun Kosovë-Serbi, i shkon për shtatit Serbisë dhe forcave destruktive në rajonin tonë”. /klankosova.tv/