Ai për Front Online tha se për momentin janë vetëm dy cicëron, që sipas tij nuk janë të mjaftueshëm.

“Për momentin janë dy ciceronë, që as përafërsisht nuk i mbulojnë nevojat e vizitorëve, kam bërë kërkesë për ciceronë të tjerë, nuk mu ka leju, por ata të dy përafërsisht nuk e mbulojnë nevojën e vizitorëve për shpjegime”, deklaroi ai.

Për restaurimin e Kullës së Jasharajve ka folur ditë më parë kryeministri i vendit, Albin Kurti.

“Kompleksi Memorial “Adem Jashari” është një nga proceset më delikate të Republikës së Kosovës, dhe për atë jemi siguruar të punojmë me një ndjeshmëri dhe përgjegjësi të lartë, me qasje profesionale e multi-diciplinare, nga historia, monumentaliteti, peizazhi kulturor e natyror, deri te vlerësimi profesional teknik dhe kujtesa kolektive”, tha ai.

Kurti tutje tha se historia e Familjes Jashari duhet të rrëfehet ashtu siç e meriton, me dinjitet dhe me krenari.