Mijëra qytetarët kanë vendosur të kthehen në Shqipëri dhe shprehen se pavarësisht masave të marra apo kufizimeve, kanë zgjedhur që të festojnë pranë familjes, transmeton albinfo.ch.
Duket se Covid nuk ka trembur mërgimtarët që kanë vendosur të kthehen në Shqipëri për festa. Në aeroportin e Rinasit ditët e fundit ka fluks të qytetarëve me mijëra mërgimtarë që kthehen për festat e Krishtlindjes dhe të Vitit të Ri në Shqipëri.
Edhe pse në numër më të vogël se një vit më parë, fluks të emigrantëve që vijnë në Shqipëri ka pasur edhe në pikat kufitare apo në porte.
Sipas autoriteteve shqiptare, thuhet se vetëm në portin e Durrësit mëngjesin e të mërkurës mbërritën dy tragete me 600 pasagjerë, ndërsa në pikën kufitare të Kakavijës brenda 24 orëve të fundit kanë hyrë në territorin shqiptar rreth 1053 mërgimtarë. Nga ana tjetër, edhe në Kapshtica kanë hyrë në këto 24 orë rreth 450 shqiptarë nga e mbarë diaspora. /Albinfo.ch
