Deputeti i VV-së, Mefail Bajqinovci, u ka dhënë instruksione komisionit vlerësues për zgjedhjen e kryeprokurorit të ri të Kosovës.

Bajqinovci, në një status në Facebook, ka treguar pyetjen që duhej bërë për kandidatët.

“Secilin nga kandidatët për kryeprokuror, komisioni vlerësues, është dashur ta pyeste se a e përkrahin procesin e vetingut…kjo do të ishte pyetja më e drejtë përmes përgjigjes të së cilës do e vlerësonim edhe integritetin moral dhe profesional të kandidatit për kryeprokuror”, shkruan ai.

Ndryshe, kryeprokurori i ri i Kosovës duhet të zgjidhet pas përfundimit të mandatit të Aleksandër Lumezit.