Policia në Prizren përmes një komunikate njofton se në kuadër të aktiviteteve të DRP-Prizren, Drejtori Rajonal, Kolonel Faton Alija, së bashku me stafin e tij, sot kanë takuar Major Gëzim Sada, Komandant i Kompanisë për Deminim për Regjionin e Prizrenit si dhe Major Reshit Parallangaj Komandant i Gardës Kombëtarë Regjioni II ne Prizren, më të cilin kanë bashkëbiseduar në lidhje me qështje të interesit të ndërsjellë.
Kolonel Alija, i njoftoj se situata e sigurisë në rajonin e Prizrenit është e qetë dhe stabile dhe se Policia e Kosovës, është e përkushtuar për të ofruar siguri dhe bashkëpunim me të gjithë. Për çka ne i shprehem gatishmëri tonë te bashkëpunimit te mëtutjeshëm.
Major Gëzim Sada dhe Major Reshit Parallangaj, u zotua për komunikim e takimesa here qe vlerësohen te nevojshme ne kuadër te fushëveprimit te dy institucioneve, e që kanë interes te përbashkët për sigurinë dhe shërbim të qytetarëve, për te cilat te dy institucionet tona kane angazhimin secili ne fushëveprimin e tyre.
Palët ranë dakord që takime të tilla dhe me interes të qytetareve dhe institucioneve të mbahen edhe në të ardhmen dhe të vazhdohet ky bashkëpunim i mire që ekziston, thuhet në njoftim.
