Albin Tahiri ka arritur një sukses të jashtëzakonshëm në Lojërat Olimpike Dimërore që po mbahen në Pekin.Komiteti Olimpik i Kosovës ka biseduar me skiatorin Albin Tahiri në lidhje me suksesin e tij në këto gara.“Unë jam shumë krenar për rezultatin më të mirë për Kosovën, është diçka e pabesueshme. Unë nuk e kam imagjinuar asnjëherë që do të renditëm në pozitën e 15-të”, është shprehur Tahiri.Ai thotë se kishte qëllim që të hynte në top 30-tëshen por që sot ka arritur më shumë.

“Pjesa e vështirë sot ishte lëshimi sepse kjo disiplinë është shumë e vështirë, sot nuk bëra shumë gabime prandaj e arrita këtë rezultat”, thotë skitari Tahiri.

Ai ka folur edhe për pritet e tija për dy garat e ardhshme në disiplinën sllallom dhe sllallom i madh.“Është e jashtëzakonshme me qenë në top 15-shen, tani nuk ka presion, unë dua ta shijojë sllallomin dhe sllallomin e madh dhe do ta shohim, çka do që do të ndodhë unë tashmë e kam arritur qëllimin” ka thënë Tahiri.