Kryesia e Lidhjes Demokratike të Kosovës ka mbjtur sot mbledhjen e radhës ku kanë diskutuar për organizimin e brendshëm partiak.

Në këtë mbledhje, Kryesia me unanimitet të plotë, vendosi që t’i kërkojë Këshillit të Përgjithshëm të LDK-së shpalljen e zgjedhjeve në këto degë: Ferizaj, Obiliq, Shtime, Kamenicë, Kaçanik, Hani i Elezit, Gjakovë, Klinë, Prizren, Malishevë dhe Mitrovicë.

“Zgjedhjet do të organizohen në koordinim të plotë me Kryesinë e LDK-së, pasi që të ketë përfunduar procesi i regjistrimit të anëtarësisë së LDK-së në këto degë” thuhet në njoftimin e LDK-së.