Kur do t’i vjen kismeti që të niset veç Zoti e di: 7 vjet pas premtimit të parë Kosova vazhdon të mbetet pa stadium kombëtar

Kosova vazhdon të mbetet pa stadiumin kombëtar, ndërsa aktualisht ka vetëm një arenë të futbollit që plotëson kriteret ndërkombëtare, stadiumin “Fadil Vokrri” në Prishtinë.

Janë bërë gati shtatë vjet nga vendimi i parë i Qeverisë së Kosovës për të nisur ndërtimin e stadiumit kombëtar.

Që nga vendimi fillestar, janë ndërruar katër kryeministra të Kosovës dhe pesë ministra të Sportit, por arena e futbollit ka mbetur vetëm në letër dhe ende nuk i është vënë as gurthemeli.

Madje fillimi i punimeve nuk duket në horizont.