Partia Demokratike e Kosovës e ka siguruar mbështetjen e tre partive politike për kandidatin e saj për kryetar të komunës Shaban Shabani.

“Shaban Shabanin më 14 nëntor do ta mbështesin Aleanca për Ardhmërinë e Kosovës, si dhe partitë e minoriteteve GIG dhe Pokret Za Gora. Shabani sot ka nënshkruar koalicion parazgjedhor me kryetarin e AAK-së në Dragash, Selami Saiti, me kryetarin e Pokret za Gora, Armend Jamini, si dhe me kryetarin e GIG, Rexhep Kamberi”, njofton dega e Partisë Demokratike në Dragash.

Shaban Shabani i cili është edhe kryetar aktual i kësaj komune në balotazhin e 14 nëntorit do të garojë përball kandidatit të Lidhjes Demokratike të Kosovës Behxhet Xheladini.

Në ndërkohë koalicion në Dragash kanë arritur edhe Lidhja Demokratike e Kosovës dhe Lëvizja Vetëvendosje.