Kryeministri i vendit, Albin Kurti, ka thënë që është çështje ditësh deri në emërimin e ministrit të ri të Shëndetësisë.

Kurti në një intervistë në ATV ka thënë që ministri i përzgjedhur nuk do të jetë pjesë e Vetëvendosjes.

“Është çështje ditësh deri në emërimin e ministrit të ri të Shëndetësisë i cili nuk do të jetë nga Vetëvendosja, por nga shëndetësia”, u shpreh ai.

Ndërsa sa i përket ministres aktuale të Shëndetësisë, Dafina Gexha Bunjaku, Kurti ka thënë që ajo ka bërë një punë të mirë deri tash.