Nga sot hyn në fuqi mbulimi i simboleve shtetërore në targa të Serbisë dhe Kosovës, marrëveshje kjo e arritur në Bruksel, e cila do të aplikohet si masë e përkohshme derisa të vendoset një e përhershme.
Gjatë ditës së djeshme Qeveria e Serbisë ka dorëzuar edhe doracakun se si duhet të mbulohen simbolet e Republikës së Kosovës në targa, shkruan Gazeta Online Reporteri.net.
Derisa dy ditë më parë, u bë tërheqja e barrikadave në pikat kufitare, Jarinjë dhe Bërnjak të vendosura nga serbët lokalë, e më pas edhe tërheqja e Njësisë Speciale të Policisë së Kosovës.
Tani këto dy pika për një periudhë dy javore do të kontrollohen nga KFOR-i.
