Në Bellobrad të Dragashit, policia ndërpret dasmën dhe dëbon edhe lodrat nga oborri

Policia ka ndërhyrë në një dasmë, e cila po organizohej brenda oborrit të një shtëpie në Bellobrad, duke i dëbuar edhe lodrat nga aty. Sipas raportit të policisë, krejt kjo ka ndodhur në kuadër të mbikëqyrjes së masave parandaluese ndaj Covid-19.

“Njësitet policore, të përkushtuara në zbatim të masave Anti Covid-19, në zbatim të planit operativ, si dhe në kuadër të ndërmarrjes së masave ndaj atyre që nuk i respektojnë vendimet e marra nga institucionet e vendit, në fshatin Bellobrad, komuna e Dragashit, kanë intervenuar në një aheng familjar, ndërsa organizatorit i është shqiptuar fletëparaqitja”, thuhet në raportin e policisë, duke shtuar se të gjithë të pranishmit në atë aheng i ka shpërndarë, përfshirë edhe lodraxhinjtë.