Një “cunami” i automjeteve elektrike pritet në vendet e pasura, pasi kompanitë e makinave dhe qeveritë premtojnë të rrisin numrin e tyre – parashikohet të ketë 145 milionë të tillë në rrugë deri në vitin 2030.

Por ndërsa automjetet elektrike mund të luajnë një rol të rëndësishëm në zvogëlimin e emetimeve, ato gjithashtu përmbajnë një “bombë me sahat” të mundshme mjedisore: bateritë e tyre.

Kjo pasi që, sipas mediave të huaja, përcjell Telegrafi, sipas një vlerësimi, më shumë se 12 milionë ton bateri litium-jon pritet të “tërhiqen” nga tani deri në vitin 2030.

Jo vetëm që këto bateri kërkojnë sasi të mëdha të lëndëve të para, përfshirë litium, nikel dhe kobalt – minierat për të cilat ka ndikime klimatike, mjedisore dhe të drejtat e njeriut – ato gjithashtu kërcënojnë të lënë një mal me mbeturina elektronike pasi të arrijnë fundin e jetës së tyre.

Dhe ndërsa industria e automobilave fillon të transformohet, ekspertët thonë se tani është koha për të planifikuar atë që ndodh me bateritë në fund të jetës së tyre, për të zvogëluar varësinë nga minierat dhe për të mbajtur materialet në qarkullim.

Një jetë e dytë

Qindra miliona dollarë po derdhen në kompanitë e riciklimit dhe qendrat kërkimore për të kuptuar se si të çmontoni “bateritë e vdekura” dhe të nxjerrni metale të vlefshme nga aty.

Por nëse duam të bëjmë më shumë me materialet që kemi, riciklimi nuk duhet të jetë zgjidhja e parë, vlerëson James Pennington, i cili drejton programin e ekonomisë cikluese të Forumit Ekonomik Botëror.

“Gjëja më e mirë për të bërë në fillim është t’i mbash gjërat në përdorim për më gjatë”, tha ai.

“Atje ka mbetur shumë kapacitet [i baterisë] në fund të përdorimit të parë në automjetet elektrike”, thotë Jessika Richter, e cila studion politikën mjedisore në Universitetin Lund.

Këto bateri mund të mos jenë më në gjendje të drejtojnë automjete, por ato mund të kenë jetë të dytë duke ruajtur energjinë e tepërt të gjeneruar nga fermat diellore ose të erës.

Kështu, disa kompani po kryejnë prova.