Kompania Rajonale e Ujësjellësit në Prizren “Hidroregjioni Jugor” përmes një njoftimi ka bërë të ditur se sot do të ketë ndërprerje me furnizim të ujit në stacionin e pompave në Banjë të Malishevës, përkatësisht në zonat Malishevë, Banjë dhe Carrallukë.

Njoftimi i plotë:

Konsumatorë të nderuar, KRU “Hidroregjioni Jugor” Njësia e Malishevës ju njofton se me datën 20.08.2021 prej orës 11:00 deri në ora 18:00, do të ketë ndërprerje me furnizim të ujit në stacionin e pompave në Banjë të Malishevës për shkak të defektit në rrjetin kryesor në gypin magjistral fi 315mm, si dhe në gypin furnizues fi 160mm në rrugën ”Imer Krasniqi” Malishevë.

Pa furnizim të ujit do të jenë këto zona:

– Malisheva
– Banja
– Carralluka

Me rastin e përfundimit të punimeve, do të rikthehet edhe furnizimi me ujë të pijes.