Kryesia e Bashkësisë Islame të Kosovës njofton besimtarët se dita e parë e festës së Kurban – Bajramit, është të martën, më 20 korrik 2021.
Përmes një njoftimi BIK-u thotë se manifestimi qendror për territorin e Kosovës, kushtuar festës së Kurban – Bajramit, mbahet në Xhaminë e Madhe në Prishtinë, kurse namazi i sabahut falet në orën 4.40.
“Ligjëratën tematike kushtuar festës së Kurban – Bajramit do ta mbajë dr. Valon Myrta – anëtar i Kryesisë së BI të Kosovës dhe njëherësh kryetar i KBI-së në Gjakovë. Namazi i Kurban-Bajramit falet në orën 05.51, të cilit do t’i prijë kryeimami i Bashkësisë Islame të Kosovës, Vedat ef. Sahiti, ndërsa Hytben – mesazhin e Kurban – Bajramit do ta mbajë Myftiu i Kosovës, Naim ef. Tërnava.
Me rastin e festës së Kurban – Bajramit, ditën e parë, më 20 korrik 2021, Kryesia e BIK, si tradicionalisht organizon pritje përurimi në selinë e Kryesisë nga ora 9:00-12:00”, thuhet në njoftim.
Kryesia e Bashkësisë Islame të Kosovës të gjithë besimtarëve festën e Kurban – Bajramit.