Kryetari i Komunës së Suharekës, Bali Muharremaj, ka shprehur ngushëllime për vdekjen e 18-vjeçarit nga fshati Nishor në vendin e tij të punës në Slloveni.
“Sot e kam vizituar familjen e 18 vjeçarit nga Nishori i cili ka ndërruar jetë në vendin e punës në Slloveni. U kam shprehur ngushëllime dhe jam interesuar të kontaktoj zyrtarët e Ambasadës së Kosovës në Slloveni”.
- Reklama -
“Është bërë kompletimi i dokumentacionit dhe kompania përgjegjëse do ta bëjë bartjen e kufomës. Kjo ngjarje është e rëndë si për familjen e po ashtu edhe për ne. Së bashku duhet të gjejmë forcë ta tejkalojmë edhe këtë dhimbje të madhe”, ka shkruar Muharremaj në rrjetin social Facebook.
- Reklama -