Spitalet zvicerane po përpiqen të përballen me një rritje të pacientëve nga COVID-19, duke sjellë stafin pensionist për të zëvendësuar punëtorët e vijës së frontit dhe duke mbyllur pavijone të tjera.

Rastet e infektimeve me koronavirus në Zvicër janë rritur në nivele rekord këtë muaj, me norma infeksioni shumë më të larta se ato në vendet fqinje Gjermani dhe Itali, njofton Klan Kosova.

Qeveria pritet të njoftojë masat e reja, por është kritikuar nga mjekët dhe shkencëtarët për vendosjen e atyre më të ashprave.

Në Spitalin Universitar të Gjenevës (HUG), në një nga kantonet më të goditur, rastet janë rritur më shumë se gjashtë herë në tre javë në 350 pacientë.

“Të gjithë prisnin një valë të dytë, por askush nuk priste që ajo të ishte kaq e egër dhe kaq e ashpër”, tha drejtori Bertrand Levrat për Reuters.