19 vjeçari nga Prizreni, Edis Mamusha, njihet për projektet e tij në fushën e dizajnit grafik.

Së fundi ai ka eksperimentuar edhe në fushën e pikturës, ku ka pikturuar në stilin impresionizem. Ai këtë pikturë e ka vlerësuar në çmim milionësh.

Gjithashtu ai thotë se kjo pikturë mund të shkëmbehet edhe me krypto valuta. Kjo ndoshta mund të jetë ndër pikturat e rralla në Kosovë që shitet me krypto valuta online.

Jetojmë në një kohë kur monedhat virtuale janë bërë temë diskutimi nga mediat, shoqëria civile dhe investitorët. Këta monedha virtuale po bëhen gjithmonë e më të popullarizuara edhe tek shqiptarët, sidomos tek shqiptarët e Kosovës ku kanë filluar të përdoren dhe të tregtohen në masë të madhe nga shumë njerëz.