Dje rreth orës 11:00, është arrestuar një person, në pikën e kalimit kufitar “Qafa e Morinës”, për shkak se i njëjti dyshohet të ketë kryer veprën penale “Dhënia e ryshfetit”.

Sipas raportit të Policisë, i dyshuari është arrestuar pasi që i ka ofruar 5 euro zyrtarit policor, me qëllim që t’i mundësohet kalim më i shpejtë.

“PKK Qafa e Morinës, 06.06.2021 – 11:50. Është arrestuar i dyshuari mashkull shtetas i Shqipërisë, pasi që i ka ofruar 5 euro zyrtarit policor, me qellim që ti mundësohet kalim më i shpejtë. Me vendim te prokurorit, i dyshuari është liruar në procedurë të rregullt”, thuhet në raportin e Policisë.