Kryetari i Prizrenit, Mytaher Haskuka, përmes një shkrimi në rrjetin social facebook ka bërë të ditur se sot ka zhvilluar një takim me e Zyrës së Këshillit Evropian në Prishtinë, Frank Power dhe zyrtaren, Sakibe Jashari.

Gjatë këtij takimi u bisedua për projektin “Promovimi i qeverisjes së mirë dhe fuqizimi i komunitetit rom në nivelin lokal”.

Postimi i plotë:

Edhe një projekt për fuqizimin e komunitetit rom në Prizren!

Sot kisha kënaqësinë të pres në takim shefin e Zyrës së Këshillit Evropian në Prishtinë, Frank Power dhe zyrtaren, Sakibe Jashari, me të cilët biseduam për projektin “Promovimi i qeverisjes së mirë dhe fuqizimi i komunitetit rom në nivelin lokal”.

Gjatë këtij takimi u dakorduam që edhe Komuna e Prizrenit të jetë pjesë e këtij projekti dhe së shpejti do të nënshkruajmë memorandumin e bashkëpunimit për këtë projekt.

Me këtë rast, dua të falënderoj z. Power për këtë projekt, i cili ka një rëndësi të veçantë, pasi që ne si Komunë e Prizrenit mbështesim fuqizimin dhe integrimin e komunitetin rom në shoqëri.