Policia sot rreth orës 18:00 në Malishevë ka shoqëruar në polici një arsimtar i cili dyshohet se ka pasur probleme me një nxënës.
Sipas policisë së Gjakovës, rasti ka ndodhur në shkollën e mesme të ulët “Dëshmorët e Fshatit”, në Bubavec.
Raportohet se arsimtari e kishte goditur me shuplakë një nxënës pasi i njëti ka qenë problematik. Ndërkohë, raporti mjekësor i nxënësit thotë se i njëjti nuk ka lëndime.
Viktima është intervistuar në prezencë të prindit dhe zyrtarit derisa i dyshuari është ndaluar për 48 orë në qendrën e mbajtjes.
“Datë 31.03.2021 rreth orës 18:00 , ne stacionin policore Malisheve është raportuar një rast qe kishte ndodhur ne shkollën e mesme te ulet,, Dëshmoret e Fshatit’’ ne Bubavec. Patrulla e policisë ka shkuar ne atë lokacion, dhe lidhur me rastin ka kontaktuar arsimtarin ( te dyshuarin) i njëjti është shoqëruar ne SP,. Malishevë dhe gjatë intervistim ka deklaruar se ka pasur një problem me një nxënës ( te mitur ) te kësaj shkolle te cilin e kishte goditur me shuplak pasi qe nxënësi ishte problematik edhe herave tjera. Nxënësi posedon raport mjekësor dhe sipas mjekut nuk ka lëndime trupor. Viktima është intervistuar ne prezencën te prindit dhe zyrtarit te QPS-Malishevë. Ne konsultim me Prokurori kujdestar rasti iniciohet si me lartë dhe i dyshuari ndalohet për 48 ore ne qendrën re mbajtjes.”, thonë nga Policia e Kosovës.
