Berset ka thënë se në stinën e verës mund të bien masat e koronës. “Qëllimi është që ne pastaj të mund të shkojmë në drejtimin e normalitetit”
Të paktën 10.5 milion doza vaksinash duhet të jenë në dispozicion të Zvicrës deri në fund të korrikut. Por, Qeveria Federale, dërgesat e mëdha nuk i pret para majit.
Këshilli Federal, kantonet dhe shefat përfaqësues të vendeve prodhuese të vaksinave Pfizer dhe Moderna janë shfaqur sot para mediave pas kritikave të mprehta të kohëve të fundit fundit rreth fushatës së ngadaltë të vaksinimit, raporton srf.ch.
Ministri i Shëndetësisë Alain Berset përsëri ka mbrojtur sigurimin e vaksinave, trasnmeton albinfo.ch. Ai madje është shprehur jashtëzakonisht i kënaqur me rrjedhën e fushatës së vaksinimit.
Berset gjithashtu ka specifikuar me këtë rast synimet e vaksinimit: deri në fund të prillit duhet të vaksinohen të gjitha grupet e rrezikut, deri në fund të qershorit të gjithë të rriturit që duan të vaksinohen, duhet të marrin të paktën dozën e parë. Kjo, edhepse deri më tani është thënë që të gjithë duhet të vaksinohen nga fundi i qershorit.
Sipas ministrit Berset, të paktën 10.5 milionë doza vaksinash do të jenë në dispozicion deri në fund të korrikut, numër ky i mjaftueshëm për të vaksinuar 75 për qind të popullatës së rritur.
Ministrit i Shëndetësisë, po ashtu ka thënë se në stinën e verës mund të bien masat e koronës. “Qëllimi është që ne pastaj të mund të shkojmë në drejtimin e normalitetit.”
Qëllimi i takimit ishte përgatitja e kantoneve për faktin se, sipas planit, ato do të përballen me një sfidë të madhe logjistike nga muaji maj, pëercjell albinfo.ch. Bëhet fjalë për periudhën kur tre milionë doza duhet të mbërrijnë në vend brenda një muaji – më shumë se në gjuthë tremujorin e parë të vitit, marrë së bashku.
