Sot janë mbushur 22 vjet nga fillimi i bombardimeve të NATO-s kundër bazave të forcave serbe në luftën e Kosovës.

Qytetarët prizrenas ende i kanë kujtimet e freskëta të fillimit të sulmeve ajrore të NATO-s mbi caqet e forcave serbe në vendin tonë, që sipas tyre krahas luftës heroike të UÇK-së, i dhanë fund vuajtjeve të shqiptarëve të Kosovës nga armiku gjakatar, duke sjellur lirinë e shumëpritur.

Ata e vlerësojnë 24 marsin e e vitit 1999 si Ditë të madhe për vendin tonë, por kanë disa brenga që po i shqetësojnë ata në Kosovën e lirë dhe të pavarur.