Ministri i Arsimit, Ramë Likaj thotë se është me interes shtetëror që shkollat të mbeten të hapura.
Likaj shkruan se në këtë situatë me pandeminë, në shumë shkolla u angazhuan prindërit e komuniteti për të mbajtur shkollat e hapura për fëmijët.
Në luftë me Covid-19 është e gjith bota edhe arsimi, e secili mund të ndihmojë, thotë Likaj.
Ky është postimi i tij i plotë:
Në këtë situatë pandemike, në shumë shkolla në Kosovë, janë angazhuar edhe prindërit dhe komuniteti për të mbajtur shkollat hapur për fëmijët tanë.
Është interes shtetëror dhe me rëndësi për të ardhmen që dyert e shkollave të mbeten të hapura, por është kënaqësi e veçantë, kur njerëz të vullnetit të mirë ndihmojnë shkollat dhe fëmijët tanë në forma të ndryshme.
Bota është në luftë me COVID-19, pra edhe arsimi, dhe në këtë luftë secili mund të ndihmojë.
I falënderoj nga zemra të gjithë ata që po japin kontributin e tyre!
