Një nëntëvjeçar nga Kosova i ka shkruar letër presidentit të Shteteve të Bashkuara të Amerikës, Joseph Biden. Letrën e tij e ka publikuar në Twitter, ambasadorja e Kosovës në SHBA, Vlora Çitaku.
Çitaku ka thënë se nuk ka asgjë më të lezetshme sesa kjo letër, në të cilën nxënësi i klasës së tretë i kërkon Bidenit t’ia mundësojë që ai të mësojë më shumë në shkollë rreth Amerikës.
“Një nxënës i klasës së tretë, nëntë vjeç nga Kosova i shkruan një letër presidentit të SHBA-së, Joe Biden duke kërkuar mbështetjen e tij, sepse ai do të donte të mësonte më shumë rreth SHBA-së në shkollë. Nuk ka asgjë më të lezetshme sesa kjo”, ka shkruar Çitaku.
https://twitter.com/vloracitaku/status/1366408748118515717?ref_src=twsrc%5Etfw%7Ctwcamp%5Etweetembed%7Ctwterm%5E1366408748118515717%7Ctwgr%5E%7Ctwcon%5Es1_&ref_url=https%3A%2F%2Fwww.gazetaexpress.com%2Fnentevjecari-nga-kosova-i-shkruan-leter-joe-bidenit-emocionohet-vlora-citaku%2F
Në letrën që nëntëvjeçari e ka shkruar për presidentin amerikan, thotë se do të donte të mësonte më shumë për historinë, trashëgiminë dhe sportin në Amerkë.
“Po ju shkruaj për të ju kërkuar me mirësi mbështetje: Në shkollën tonë ne mësojmë lëndë të ndryshme, por mësojmë shumë pak për SHBA-në. Për shembull: historinë amerikane, sportin, trashëgiminë amerikane, etj”, thuhet në letër.
Letra e plotë që nëntëvjeçari e ka shkruar për presidentin amerikan, Joe Biden:
I dashur Z. Biden,
Shkëlqesia juaj, i dashur Z. President
Shpresoj se jeni mirë dhe keni pasur një fillim të mirë në Shtëpinë e Bardhë.
Emri im është Diell Sadriu, jam nga Kosova, Prishtina. Jam 9 vjeç dhe jam në klasën e tretë në British School of Kosova.
Po ju shkruaj për të ju kërkuar me mirësi mbështetje: Në shkollën tonë ne mësojmë lëndë të ndryshme, por mësojmë shumë pak për SHBA-në. Për shembull: historinë amerikane, sportin, trashëgiminë amerikane, etj.
Pres të marr përgjigje nga ju së shpejti, me urimet më të mira, Diell Sadriu.