Një person është arrestuar në Prizren për falsifikim të dokumentit, mashtrim dhe legalizim të përmbajtjes së rreme.
Policia ka thënë se një apo disa persona të panjohur me dokumente të falsifikuara ia kanë bartur pronën e dikujt një personi të tretë.
Policia ka arrestuar të dyshuarin i cili dyshohet se me letërnjoftim të falsifikuar të Serbisë ka futur të dhënat e palës ankuese. I dyshuari është dërguar në mbajtje.
“Është raportuar se prona e viktimës mashkull kosovar dyshohet se nga person/a të panjohur me anë të dokumenteve të falsifikuara i është bartur personave të tretë pa pëlqimin dhe dijeninë e tij. Gjatë hetimeve të zhvilluara është identifikuar dhe është arrestuar i dyshuari mashkull kosovar i cili dyshohet ka përdorur një letërnjoftim të falsifikuar të shtetit të Serbisë me fotografinë e tij, duke futur të dhënat e palës ankuese”, thuhet në raportin e PK-së.