Nxënësit e International Maarif Schools of Kosova gjatë pjesëmarrjes në Samitin e 5-të Ndërkombëtar të Model Organizata e Bashkëpunimit Islam (Model OIC), i cili po zhvillohet në Stamboll, patën mundësinë të takohen me Kryetarin e Bordit të Fondacionit İlim Yayma, Bilal Erdoğan.
Duke përfaqësuar Kosovën në këtë samit, nxënëset Rezana Kajoshi dhe Ela Naz Yılmaz, së bashku me mësuesen e tyre Rrita Abdyli, po marrin pjesë aktivisht në programin që mbahet nga 28 nëntor – 1 dhjetor 2025.
Gjatë samitit, delegatët e rinj takohen me përfaqësues nga institucione të ndryshme të Turqisë dhe me liderë të rinisë, duke shkëmbyer mendime mbi çështje ndërkombëtare. Në fjalën e tij drejtuar të rinjve, Bilal Erdoğan theksoi rolin e tyre në proceset globale, duke u shprehur: “Ndryshimi nis nga të rinjtë, drejtësia ngrihet me të rinjtë.”
Ndersa, Përfaqësuesi i Fondacionit Maarif në Kosovë, Mehmet Nedim Aslan, u shpreh se nxënësit po e përfaqësojnë vendin me sukses në këtë platformë të rëndësishme: “U dëshirojmë shumë sukses dhe shpresojmë që kjo përvojë të jetë sa më e frytshme dhe me horizonte të reja për ta.”
Gjatë katër ditëve të samitit, nxënës nga vende të ndryshme të botës marrin pjesë në punime tematike të komiteteve, panele dhe diskutime të nivelit të lartë, duke pasur mundësinë të përjetojnë nga afër proceset diplomatike.
- Reklama -