Avokati i njohur, Arianit Koci, ka folur në detaje për arrestimin e disa prej krerëve më të lartë të Ushtrisë Çlirimtare të Kosovës.
Për emisionin EXPOSE – nga Gazeta Blic, Koci thotë se Hashim Thaçi, Kadri Veseli, Jakup Krasniqi e Rexhep Selimi, janë pjesë e një aktakuze të përbashkët.
Tutje, Koci thekson se aktakuza ndaj tyre është e përpiluar nga raporti i Dick Martyt – raport i cili përmban prova të falsifikuara që janë dërguar nga Serbia.
“Si duket këta janë pjesë e një aktakuze të përbashkët. Vetë Prokuroria me 24 prill ka ngritur aktakuzë. Pra ka deponuar aktakuzë ndaj z. Thaci, z.Veseli dhe 9 personave tjerë. Krejt kjo ka filluar nga raporti i Dick Martyt i cili është i ndikuar nga provat e falsifikuara që janë dërguar nga Serbia”.
“Së pari gjithë këta e kanë një rrugë të gjatë para vetës. Ju bjen një sakrificë të madhe që ta bëjnë. Besoj që shumica e tyre do të shpallen të pafajshëm. Ka qenë luftë çlirimtare, kështu që nuk ka se si mos të del tjetër për neve, veçse do ta kemi një rrugë të gjatë”, ka thënë Koci.
