Drejtori i Financave në komunën e Prizrenit, Sulltan Badalli, i cili njëkohësisht po kandidon për Kuvendin Komunal të Prizrenit nga radhët e PDK-së, ka bërë të ditur se së shpejti do të fillojnë punimet për ndërtimin e rreth-rrotullimit në magjistralen Prizren – Zhur. Ky rreth-rrotullim, sipas tij do të lehtësojë lëvizjen e banorëve të lagjes “Bajram Curri” dhe atyre të lagjes “Tusus”.
“Lajm shumë i mirë për banorët e lagjes “Bajram Curri” dhe lagjes “Tusus”. Rreth-rrotullimi i ri që do të ndërtohet në rrugën magjistrale Prizren – Zhur, me një kosto të vogël, por me një rëndësi shumë te madhe do të lehtësojë qarkullimin, veçanërisht për banorët e lagjes “Bajram Curri” dhe lagjes “Tusus”. Ky projekt do ndikojë direkt në përmirësimin dhe zvogëlimin e qarkullimit në këtë zonë”, ka shkruar Badalli.