Aleanca për Kosovën e Re ka kërkuar sot rinumërimin e votave. Ata po ashtu kanë hedhur poshtë pretendimet se asnjë kandidatë i tyre nuk është bërë deputetë.
Partia e Behgjet Pacollit ishtë në koalicion parazgjedhor me LDK-në.
Indeksonline kontaktoi zëdhënësin e AKR-së, Vesel Makollin në lidhje me atë se a ka arritur që lideri i kësaj partie, Behgjet Pacolli të siguroj votat e nevojshme për t’u bërë deputetë.
“Presidenti Pacolli i ka votat e nevojshme për me hy në parlament, bile do të jetë ndër më të votuarit. Kërkesa e jonë për rinumërimin e votave është për atë, se kemi shumë argumente qe na u kanë tjetërsuar votat e kandidatëve tonë, gjegjësisht shkaku që ne nuk kemi pas komisioner dhe vëzhgues dhe nuk ka pas kush ta ruan votën tonë, votat e kandidatëve tanë janë tjetërsuar(kemi shume fakte nga terreni)”.
“Poashtu nuk kemi pas mundësi që nga LDK(nuk na u kanë përgjigj) t’i marrim formularët e vendvotimeve, andaj ende i kemi shënimet e plota”, tha ai fillimisht.
Në fund, Makolli u shprehë i sigurt që AKR do të ketë dy deputetë.
“Por një është e sigurt që ne do t’i kemi dy deputetë dhe ndoshta tre”, përfundoi ai.