Komuna e Malishevës ka bërë apel për ndihmë për gjetjen e 60-vjeçarit, Halim Sopaj.
Në një njoftim për media, komuna bën të ditur se Sopaj është nga fshati Janqishtë, duke theksuar se ai ka dalë nga shtëpia në orët e mëngjesit më datë 5 tetor dhe nuk është kthyer më.
“Luten të gjithë qytetarët, të cilët e kanë parë apo kanë ndonjë informacion, të lajmërojnë në numrat emergjent 112 ose 192. Lidhur me rastin janë të njoftuara organet përgjegjëse policore, ndërsa edhe komuna e Malishevë ka ndërmarrë të gjitha masat në kërkim të personit të zhdukur. Janë aktivizuar ekipet përgjegjëse komunale, ekipet e kërkim shpëtimit dhe Policia e Kosovës, me njësitë përgjegjëse. Aksionit të kërkimit i janë bashkuar edhe banorë të fshatit Janqishtë dhe ekipet tjera vullnetare”, thuhet në njoftim.