KRU “Hidroregjioni Jugor” ka njoftuar se vetëm gjatë kësaj jave ekipet e inspektoratit në rajonin e Prizrenit, kanë identifikuar 27 lidhje ilegale në rrjetin e ujësjellësit.

23 lidhje ilegale janë shkyçur në Prizren, 3 në Suharekë dhe 1 në Malishevë.

“Aksioni për identifikimin e lidhjeve ilegale do të vazhdojë edhe në ditët në vijim. Ndaj të gjitha rasteve të evidentuara do të merren masat ligjore. Apelojmë tek të gjithë konsumatorët të respektojnë rregullat dhe të shmangin veprimet e jashtëligjshme, të cilat dëmtojnë furnizimin e drejtë dhe të rregullt me ujë për qytetarët tanë”, thuhet tutje në njoftimin e hidroregjionit.